*ەلىمىزدە نان جانە ۇن ونىمدەرىنىڭ باعاسىن تۇراقتاندىرۋ شارالارى قولعا الىندى. وسى ماقساتتا ازىق-ت ۇلىك كەلىسىمشارت كورپوراتسياسى قابىلدانعان مەموراندۋمدار نەگىزىندە ءوڭىرلەرگە 738 مىڭ توننا استىق جونەلتۋدى جوسپارلاپ وتىر. ايتا كەتەيىك, 2015 جىلدىڭ قاڭتارىنان بەرى ايماقتارعا 18 مىڭ توننا بيداي جەتكىزىلگەن.
* «سامۇرىق-قازىنا» ۇلتتىق ءال-اۋقات قورى» اق بيىل 17 اكتيۆتى جەكەشەلەندىرەدى. قور باسقارما توراعاسىنىڭ ورىنباسارى ەلەنا باحمۋتوۆا «قازترانسگاز ايماق» اق, «الاتاۋ جارىق كومپانياسى» اق, «الماتى ەلەكتر ستانسالارى» اق, «الماتى ەنەرگو سبىت» جشس, جانە تاعى باسقا دا ءىرى كومپانيالار ساتىلىمعا شىعارىلاتىنىن مالىمدەدى.
* استانادا ءداستۇرلى «قامقورلىق» رەسپۋبليكالىق اكتسياسى قورىتىندىلاندى. ءبىلىم جانە عىلىم مينيسترلىگىنىڭ باستاماسىمەن وتكىزىلگەن شارا بارىسىندا تابىسى تومەن جانە كوپ بالالى وتباسىلارىنان شىققان 2 307 بالاعا جالپى سوماسى 21 ملن. 717 مىڭ تەڭگەگە كومەك كورسەتىلدى. مۇنىڭ 16 ملن. 528 مىڭ تەڭگەسى بيۋدجەت ەسەبىنەن قارالسا, دەمەۋشىلەر 5 ملن. 189 مىڭ تەڭگە بەرگەن.
*الماتى وبلىسىنداعى «ۋىز ماي̆ Industry» جشس ءبىر ماۋسىمدا 16,8 توننا سويا وندىرە الادى. سەرىكتەستىك باسشىسى ەربول توقتاعۇلوۆتىڭ ايتۋىنشا, زاۋىت زاماناۋي قۇرىلعىلارمەن جابدىقتالعان. كوكسۋ اۋدانى تەرەكتى اۋىلىندا ورنالاسقان كاسىپورىن وبلىستىڭ «يندۋستريالاندىرۋ كارتاسىنا» ەنگىزىلدى.
* شىمكەنتتەگى K.AZ TEL كاسىپورنى جىلىنا ۇزىندىعى 8 ملن. شاقىرىم سىمتەمىر شىعارادى. ءوڭتۇستىك قازاقستان وبلىسى اكىمدىگىنىڭ ءباسپاسوز قىزمەتى مۇندا كابەلدىڭ 100-دەن استام ءتۇرى, جەز بەن اليۋميني سىمدارى جاسالىناتىنىن جەتكىزدى. اتالعان ونىمگە نارىقتا سۇرانىس بار. قۇرىلىم «دامۋ» كاسىپكەرلىكتى دامىتۋ قورىنىڭ قولداۋىمەن 158 ملن. تەڭگە نەسيە العان.
* پەتروپاۆلدا جەو-2 ستانساسىنىڭ قۋاتىن ارتتىرۋ ءۇشىن جاڭعىرتۋ جۇمىستارى جۇرگىزىلۋدە. سولتۇستىك قازاقستان وبلىسىنىڭ اكىمى ەرىك سۇلتانوۆتىڭ سوزىنە قاراعاندا, بيىل №1 جانە №5 تۋربينالاردى اۋىستىرۋ, №12 قازاندىق اگرەگاتىن قايتا جوندەۋ ءىسى باستالعان. بۇل شارالار ستانسانىڭ بەلگىلەنگەن قۋاتىن 25 پايىزعا ۇلعايتادى.
* اقتاۋدا نان گەرمانيا تەحنولوگياسىمەن پىسىرىلەدى. قالاداعى «پريوزەرنىي-3» كەنتىندە ءبىر جارىم جىلدا سالىنىپ بىتكەن MAGA BREAD ناۋبايحاناسى جۇمىس ىستەپ جاتىر. ونىڭ قۋاتى تاۋلىگىنە 50 توننا ءونىم شىعارۋعا جەتەدى. كاسىپورىن نان-توقاش ءونىمدەرىمەن بۇكىل شاھاردى قامتاماسىز ەتە الادى. مۇندا تولىق شتاتتا 160 ادام بار. ناۋبايحانانىڭ سمەتالىق قۇنى – 2 ملرد. تەڭگە.
حابارلار ۇكىمەت, وبلىستىق اكىمدىكتەر سايتتارى مەن «قازاقپارات» اگەنتتىگىنىڭ دەرەكتەرى بويىنشا
دايىندالدى.